શ્રીમતી નયના જાની - પત્ની અને કવયિત્રી

શ્રીમતી નયના જાની અને રાજેન્દ્ર શુક્લ 1974માં લગ્નગ્રંથીથી જોડાયા. - તેમનું સાહચર્ય એટલે એક અલૌકિક સર્જનયાત્રા ...

કવયિત્રીની સર્જનપ્રતિભા, કાવ્યકૌશલ અને આંતરયાત્રાનો એક નમૂનો

અખંડ સંસ્મૃતિ

અશૂન્ય આ મહાદ્યુતિ,
અગમ્યની અલંકૃતિ !

અમંદ મંદ ઝંકૃતિ,
અનાદિ નાદની શ્રુતિ !

અચંચલા ચમત્કૃતિ,
ધરા રૂપે ધરું ધૃતિ !

અણુ અણુ મહીં અહો,
અપાર એ હિ વિસ્તૃતિ !

અશેષ આવરી રહે,
હિરણ્મયી જ આકૃતિ !

અદીઠ એ અનંતની,
નથી ક્ષણે ય વિસ્મૃતિ !

ન સ્વપ્ન, ના સુષુપ્તતા,
અખંડ એક જાગૃતિ !

       - નયના જાની                

*for previous posts click here